MUSUTRUK MUNDAKA: julio 2025

Ipar Amerikako euskal diasporako 16 eta 25 urte bitarteko 50 gazte Euskal Herrian daude egunotan, Ateak Ireki kultur programaren bidez. Goierriko familiekin aldi baterako ostatu bat hartu dute eta askotariko ekintzak egiten ari dira. Gaur [uztailak 8] Mundakako Santa Katalina Baseliza bisitatu dute, Txabo Aragües, Musutruk Mundaka Elkarteko lehendakariorde-idazkariak ongi etorria eman die.

Santa Katalina Baseliza bisitan, Txabok lekuaren “balio sinbolikoa” azpimarratu du. Ganera, Ameriketako hainbat lekutatik euren euskal sustraiekin “lotura estua dutenen bizipenak eta motibazioak bertatik bertara ezagutzeko” balio izan du topaketak. Izan ere, helburua izan da “Euskal Herrian eta AEBn bizi dan euskal diasporako gazteen arteko loturak sendotzea da, euskeran sakonduz eta beraien sustrai kulturalak ezagutuz”.